Kapulisan sa lalawigan sa Sugbo gipasaligan sa Provincial Board nga suportahan pinaagi sa pagpasar og mga ordinansahon nga magpatuman sa kahapsay ug kalinaw.
Giluwatan kini ni Bokal Thadeo “Jonkie” Ouano, chairman sa committee on peace and order sa Provincial Board, atol sa pagduaw ni PNP Chief General Guillermo Eleazar sa Kapitolyo sa Miyerkules, Hulyo 14, 2021.
“If there are any more laws or ordinances that you need us to pass to help the PNP to be more effective, please let us know,” sulti ni Ouano kang Eleazar.
Samtang si Bokal Red Duterte nagpasalamat usab sa tabang sa kapulisan ilabi na atol sa pagsulbong sa pandemya sa nasud ug ang pag-abag usab sa kapulisan sa pagpalambo sa kagamhanan sa turismo aron makabangon ang ekonomiya niini.
“We created the tourism task force where we visited all the major, and even wider, tourist destinations in the province and the PNP was always there to help us,” matod ni Duterte.
Si Eleazar ni-courtesy call kang Cebu Governor Gwendolyn Garcia diin siya mipadayag sa iyang suporta sa pangagamhanan pinaagi sa pag-susi sa performance sa kapulisan sa lalawigan sa Sugbo.
Gawas sa tigum kauban ang mga bokal, nilibot usab si Eleazar sa Gallery o museum sa Kapitolyo.
Si Eleazar niabot sa Sugbo niadtong Dominggo. (ANV)