Dear Noy Kulas,

I hide lang ang akong tinuod nga name. Tawga lang ko og Emma. Ang akong problema complicated kaayo.

Ingon ani ni. Minyo ko for 8 years na karon. Sa wa pa ko magminyo, nakahibawo ko nga dunay bisyo akong bana sa illegal drugs, pero di pa grabe. Kay nagtuo ko nga ma change na siya. But sayop ko kay for two years na, migrabe na siya. Bisan gani atong time sa pagsugod og igo sa pandemic, nigrabe siya. Ambot kon giunsa niya. Karon pa nag ingon ani siya nga unta dagko na mi og edad.

Tungod sa iyang gibuhat, nawad-an na ko og gana niya. Karon, kaning iyang manghod, sekreto nga nanguyab nako kay ulitawo man siya. Nagkadugay, giganahan na ko niya.

Ni-yes ko niya, Noy. Karon lang bag-o, sige sige na dunay nahitabo namo kay giganahan ko niya. Aside nga gwapo siya, layo ra kaayo ang akong bana kon sex nga aspect sila itandi. Tinuod tingali ilang giingon nga dunay time makasugat og tawo nga you can say maka addict. Mao ni akong problema kay maglisod na ko og balibad niya. Unsa kaha akong buhaton, Noy Kulas? Salamat sa imong tambag.

EMMA

Em,

Wa man gyuy nay padulngan ang inyong relasyon. Usa ray sangkoan ana, kagubot. Posible pang dunay makalas nga kinabuhi kay di man ka duyanon kon mahibaw-an. Ikaw ug siya maoy dautan sa duha ninyo ka mga pamilya bisan tuod kon ma blame usab ang imong bana nga nagpabaya sa iyang mga kaakuhan, apil na ang sex life.

Undanga na ninyong duha. Aron ka makalikay, barogi ang imong pagka asawa. Kon di siya magtinarong, libre ka man ug imong anak sa pagbiya kay di baya maayo nga environment ang inyong gipuy-an karon.

NOY KULAS

rojval69@yahoo.com