SECTIONS
Superbalita Cebu
Tuesday, September 21, 2021
SUPERBALITA CEBU

21% pa sa seniors nagpabakuna

File photo

ANAA pa sa 21 porsyento ang nagpabakuna nga senior citizens sa Dakbayan sa Mandaue.

Sigon ni August Lizer Malate, pangu sa Mandaue City Emergency Operations Center (EOC), nga sukad sa ilang pagpamakuna hangtod karong semanaha, 7,000 pa lang ang nabakunahan sa 36,000 nga naa sa ilang master list.

Sa miaging adlaw, matod sa EOC nga nagkasaka sab ang mga kaso sa dakbayan. Busa labing maayo nga magpabakuna na ang mga senior citizen aron sila maprotektahan.

Matod sab ni Melinda Bihag, pangu sa Office of the Senior Citizen Association (Osca), nga nahadlok pa ang ubang senior citizens nga magpabakuna tungod sa ilang gipamati sa lawas.

Dunay uban nga mamili og bakuna nga haom sa ilang panglawas.

Tungod sab nga nagsugod na ang ubang mga kategoriya, sama sa A4 ug A5.

Matod ni Bihag nga nagtuo ang ubang mga senior citizen nga wa nay bakuna nga alang kanila. Ang senior citizens mao ang A2.

Bisan pa niini, niingon si Bihag nga aduna say uban nga senior citizens nga sila na mismo ang niadto sa vaccination site aron magpabakuna.

Karong semanaha sa meeting sa Osca ug ni Malate, gilauman nila nga adunay madawat nga Johnson & Johnson ang Dakbayan karon buwana kay igahin kini alang lang sa senior citizens.

Tungod niining umaabot nga bakuna,nmiingon si Bihag nga dili na kini rason sa mga senior citizen nga dili mutunga sa ilang vaccination schedule.

Nagtuo si Bihag nga motaas ang kumpyansa sa senior citizens nga magpabakuna tungod kay alang lang gyud kini kanila.

Dugang ni Bihag nga sanglit usa lang ka dose ang bakuna, dako kini og tabang sa mga senior citizen nga dili na magbalik balik sa vaccination site.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph