SUPERBALITA CEBU

Juan Paasa award-winning band

CEBU. Juan Paasa band. (Tampo nga hulagway)

MIKULIT na sa ilang pangalan ilabi na sa industriya sa Bisaya Rock (Bisrock) ang banda nga Juan Paasa kansang mga miyembro lumad nga taga-dakbayan sa Toledo, Lungsod sa Pinamungajan ug Lilo-an, Lalawigan sa Sugbo.

Ang pangalan sa banda diin ang termino nga “Juan” nagpasabot ang matag Filipino samtang ang “Paasa” nga adunay daghang kahulogan.

Ang “Paasa’ mahimong nagpasabot og paglaom sa gugma, panahon o ang komon nga pasumangil niadtong misaad nga motunga apang langay nga miabot sa gikasabutan nga oras.

Base sa press release sa banda nga usa sa hinungdan nga dili gilayon sila makasugod sa gikatakda nga praktis tungod kay ang ubang miyembro magpunay og pasalig nga nagpa-ingon na sa venue apan paingon pa diay nag-andam sa iyang paglakaw kay pulos lang pa-asa.

Taliwala sa mga kalisdanan wa kini mamahimong babag nga makuha sa banda ang pipila sa mga pasidungog sa natad sa musika.

Nahimong grand champion sa 1st Sugbuanong Musika Sinulog 2019, awardee sa Cebu Radio of the Year 2019, Artist of the Year 2019 sa Radio Cebu TV.

Nakuha sab nila ang ikatulong dapit sa District Battle of the Band 2018 ug sa Cebu Siloy Music Awards 2020 isip: Breakthrough Artist of the Year, Best Rock/Reggae/Alternative Performance ug Song of the Year.

Samtang nominado na sab sila sa Cebu Siloy Music Awards 2021 nga Best Alternative Music Performance sa ilang awit nga “Take a Roll.”

Ang Juan Paasa gilangkuban nila ni MLex–vocals; Joe Marc–bass; Bankai Ala ug Ivan Cerna–guitar; Van Mande–Drums; ug Duke Ki–keyboardist. (FVQ)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph