Ang Phoenix Suns aduna nay desinyo sa ilang duwa batok sa Milwaukee Bucks niining pagbalik sa ilang homecourt atol sa game 5 karong buntag batok sa best of seven NBA Finals.
Ang mga clutch points ni Kris Middleton ug block shot ni Giannis Antetokounmpo maoy nakapakurat sa damgo sa Suns nga ilang makuha ang ilang kampyonato.
Ang Bucks kinsa maoy nidaog sa game 3 ug 4 sa ilang balwarte nagtinguha nga ilang masakyan ang momentum nga ilang nakuha taliwa sa pagtabok sa korte.
“It’s two teams left in the league now playing for an NBA championship on the biggest stage,” “It doesn’t get any better than that,” matod ni Bobby Portis sa Bucks.
Sa kasaysayan, ang Suns wala ni makausa pa makakuha og duha ka daog sa NBA finals sa ilang duha ka NBA Finals appearance apan niadtong game 4, pipila nalang unta ka minuto apan nabaraw pa.Ang Phoenix naglabaw og 9 puntos sayo sa fourt quarter ug padayon naglabaw sa nahabiling 2:30 minutos sa fourth.
Apan si Middleton daw nasudlan og dautang espirtu ug nipasulod og 10 ka sunodsunod nga puntos aron pangulohan ang Milwaukee pinaagi sa iyang 40 puntos sa wala pa palaki ni Antetokounmpo si Ayton gikan sa pass ni Devin Booker aron tablahon ang series, 2-2 human sila nilabaw, 109-103.
“Obviously that’s a tough, emotional loss for us, but we move on to the next one.Next-game mentality for us,” padayag ni Booker.
Ang Bucks nakalingkawas sa 2-0 deficit sa second round batok sa Brooklyn Nets ug karon suwayan nila nga maoy mahimong ikalima nga ball club nga mohimo sa ingon sa NBA Finas. Ang katapusang nakahimo niini lima na katuig ang nakalabay mao ang Cleveland Cavaliers batok sa Golden State Warriors.
Una, kinahanglan nilang ipakita nga makasugakod sila batok sa Phoenix. Ang Suns nidaog sa ilang homecourt pinaagi sa double digit nga labaw.
Apan ang Bucks naka-recover sa ilang duha ka sunod nga duwa sa ilang balwarte ug gisiguro nga dili sila mausban sa Phoenix diin si Booker igo lang nakapasulod og tulo gikan sa 14 ka itsa sa game 3 ug ni-bounce back sa sunod duwa ug nirehistro og 42 puntos sa game 4, apan si Chris Paul na usab ang nipalyar kinsa igo lang nihipos og 10 puntos uban sa lima ka turnovers.
“Now we are coming back home. We’ve got to protect home court. I hate it, but it’s that simple. We didn’t sweep but one series, so this is what happens in a series. That’s why they make it seven games. This is the finals. It’s dramatic. We got to protect home court and win the game tomorrow,” padayag ni Paul kagahapon.
Si Paul, Booker sa Suns ug Antetokounmpo, Middleton sa Bucks pulos mga first timer sa NBA Finals. (ESL)