Sue Ramirez bidang-bida isip babaye nga kusog kaayong motuo sa mga superstitions.
Mao kini ang bag-ong papel nga iyang gidala sa series nga inyong manuntan karon sa WeTV ug iflix.
Istorya sa usa ka sikat nga writer apan ang iyang kinabuhi iyang gi-base sa iyang mga tinuhoan labi na parte sa gugma.
Tungod kay sa mga bituon ug senyales ang iyang gilauman para mahimo niyang hinigugma nagkadaghan na kini apan wala pa gihapon niya nakita ang iyang “The One.”
Hangtod nga naabot ang senyales nga kini iyang mahibagatan sa ika-13 niya nga nahimong uyab.
Ang problema kay malas man ang numero 13, wala man gani 13th floor ang building unsa na kaha ang iyang gugma.
Dinhi nag-tuyok ang sugilanon sa serye nga “Boyfriend No. 13” makauban niya dinhi silang JC Santos, JC de Vera, ug Lotlot de Leon.
Excited na kaayo si Sue nga masundan ninyo ang maong serye diin hatod lang nila nga mag-maya ug mapakatawa ang tanan labi na karon panahon sa pandemya.
Dili na sad bag-o para kaniya ang maong papel kay sa tinuod nga kinabuhi mahilig siya mangolekta og batong krystal, tarrot card ug matuo-tuohoon usab.
Sa laing bahin bilib sab kaayo si Sue sa iyang direktor dinhi nga si John Lapus nga nakatrabaho na usab niya sa pelikulang “Ang Babaeng Allergic Sa Wifi.”
Kung ma-fan man kini niadto kang John Lapus isip direktor mas mi-doble pa karon tungod sa klase sa iyang pagtrabaho.
Mas nindot para sa aktres nga artista pud ang direktor kay makita man niini ang matag eksena sa pang-lantaw isip aktor, makabalo kini kon unsay lisod nga i-shoot o magkinahanglan og dugang oras labaw sa tanan motabang kini og motivate kanila, mao nga feel usab nila ang pagka-inahan ni Direk Sweet.
Gawas ining “Boyfriend No. 13” makita usab nato si Sue sa umaabot nga teleserye sa ABS-CBN nga “The Broken Marriage Vow,” Ay’g Saba!
* * *
Nakugang ang tanan sa dihang may mga tsika nga makita na usab nato ang Sarah Geronimo sa Kapuso network.
Tinuod kini kay sa GMA man karong adlawa makita nato ang TV premiere sa first online concert niini nga “Tala, The Film Concert.”
Mao nga human sa 17 ka tuig balik GMA 7 ang Sarah, kon nahinumdom mo nahimong kapuso kini ug usa sa mga mainstay sa programang “SOP” kaniadto.
Gibiyaan lang sa Popstar ang musical variety program sa dihang nipirma kini ug exclusive na kontrata sa ABS-CBN niadtong 2004.
Kon nagtuo mo nga mobalhin usba si Sarah, dili mo angay mabalaka kay matod pa sa Viva Entertainment nga wala pa matapos ang kontrata niini sa Kapamilya network, Ay’g Saba!