SECTIONS
Superbalita Cebu
Tuesday, September 21, 2021
SUPERBALITA CEBU

721 na ka modernong PUJ gadagan

DUGANG: Niadtong Biyernes, gilusad ang dugang 80 ka modernong mga PUJ nga modagan sa mga karsada sa Metro Cebu, labina sa Cebu City. / ALAN TANGCAWAN

Aduna nay 721 ka mga modern public utility jeepneys (MPUJs) nga nagdagan karon sa kadalanan sa Metro Cebu, matod sa Land Transportation Franchising and Regulatory Board (LTFRB) 7.

Kini human 80 ka dugang nga units sa MPUJs nga gipadagan sa El Pardo Coop., LATRANSCO Coop., ug KTTS Corp., ang gilusad niadtong Biyernes, Hulyo16, 2021, matod ni Eduardi Montealto, Jr., LTFRB 7 director.

Ang paglunsad sa dugang MPUJs gitambungan ni Department of Transportation Asec. Mark Steven Pastor, LTFRB Chairman Martin Delgra, ug Office of the Presidential Assistant for the Visayas.

Segun ni Montealto nga ang 80 ka mga MPUJs gihatagan og provisional authority aron makadagan sa tulo ka intra-city routes sa Cebu City ug inter city-municipality routes sa Probinsya sa Sugbo.

Matod ni Montealto nga sakto ra kining mga MPUJs aron pagtubag sa panginahanglan sa mga pasahero sa Cebu tungod kay anaa pa man gihapo’y nagdagan nga mga traditional PUJ ug mga bus sa Metro Cebu.

“But of course, limited capacity up to 75 percent and one seat apart stands sti. That’s why passenger demand in peak hours is a challenge for now,” matod niya.

Nagsugod og pull out ang LTFRB 7 sa buses nga gipadagan sa mga Metro Cebu ug gipabalik na sa ilang orihinal nga provincial routes niadtong Enero ning tuiga.

Matod ni Montealto nga 219 ka mga bus ang nibalik na pagdagan sa ilang mga orihinal nga rota sa pagkakaron.

Iya usab gipahinumduman ang mga operators sa pagtaud gihapon og barriers sulod sa ilang mga sakyanan.

Dugang niini iya nga usab gipahinumduman pag usab ang mga driver nga mosunod sa minimum health protocols nga gi-isyu sa Inter-Agency Task Force for the Management of Emerging Infectious Diseases aron sa paglikay nga mamultahan o masilutan.

Sa miaging semana, ang LTFRB niisyug show cause order ngadto sa mga beep ug bus drivers, operators nga nasakpan nga ang mga pasahero wa mosunod sa mga health protocol ug nag overloading.

Ang nakasakop ang traffic enforcers sa Cebu City Transportation Office (CCTO).


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph