MIBALIK sa Pilipinas si Thirdy Ravena aron pagsuway og kuha’g luna sa Gilas Pilipinas roster para sa 2021 FIBA Asia Cup nga didto duwaon sa Jakarta, Indonesia.
Ang 24-anyos nga si Ravena gikan sa Japan diin miduwa siya sa San-En NeoPhoenix sa B.League. Apil si Ravena sa 18 ka Filipino players nga nagtinguha malakip sa final Gilas lineup.
Misulod si Ravena sa Inspire Sports Academy didto sa Calamba, Laguna uban sila Allyn Bulanadi, Dave Ildefonso, Matt Nieto ug Rey Suerte kinsa wala makaduwa sa third window tungod sa injuries.
Naa pud sa facility ang 11 ka players nga miduwa sa Olympic Qualifying Tournament (OQT) didto Belgrade, Serbia nga sila naturalized bigman Ange Kouame, Dwight Ramos, SJ Belangel, Justine Baltazar, William Navarro, RJ Abarrientos, Jordan Heading, Carl Tamayo, Mike Nieto, Geo Chiu ug team captain Isaac Go.
Nakadawat pud sa tawag mao sila Jaydee Tungcab, Kemark Carino ug Tzaddy Rangel.
Matod sa Samahang Basketbol ng Pilipinas Special Assistant to the President Ryan Gregorio kasamtangan silang nakig-storya sa kampo ni 7-foot-2 Kai Sotto alang sa availability niini karong Agusto. (RSC)