WA pay maestablisar nga motibo ang kapulisan sa Dakbayan sa Talisay sa pagpusil patay sa usa ka e-bike driver sa mga alas 6:35 sa gabii, Hulyo 18, 2021 sa William Lines, Rabaya Street, sityo Kimba, Barangay Tanke, Dakbayan sa Talisay.
Patay nang naabtan sa Emergency Medical Team sa Dakbayan sa Talisay ang biktima nga si Marcus Alenjocho, Abatayo, 51, minyo, taga Sityo Rattan human pusila sa nagbinugtong nga gunman nga naglakaw lang.
Si Abatayo nakaangkon og usa ka samad sa wala nga ilok nga nilapos sa tuong bahin sa iyang lawas.
Sa imbestigasyon, ang iyang asawa nga wa nganli sa pulis, niingon nga wa siyay nahibaw-ang kaaway sa iyang bana bisan kon dugay na silang nagbuwag ug duna nay tagsa ka pamilya.
Wa usab kini malambigit sa illegal drugs ug way record sa barangay, dugang sa asawa./GPL