Si kanhi Cebu Provincial governor Emilio “Lito” Osmeña, 82, namatay, apan wa pa masayri sa Superbalita Cebu kon unsay hinungdan sa pagsuwat ning taho.
Unang ni-post si kanhi Cebu City mayor Alvin Garcia nga nipahasubo.
Ang iyang pag-umangkon, Cebu City Councilor Renato “Junjun” Osmeña Jr., ni-post usab kalabot sa kamatayon sa kanhi gobernador.
“Rest in peace Uncle Lito Osmena. Thank you so much for everything you have taught me, not only about politics but also in life. As an Osmeña, we are so proud of all the good you have done both in the country. You will be missed uncle,” post sa konsehal.
Mga higala ug kabanay ni Osmeña nidumili pa sa pagluwat og pamahayag unsay iyang namatyan.
Si Osmeña, architect sa “Ceboom” dihang siya nangalagad isip gobernador sa Lalawigan sa Sugbo gikan sa Pebrero 2, 1988 ngadto sa Hunyo 30, 1992.
Nagsilbi usab siyang chief economic adviser panahon ni kanhi Presidente Fidel Ramos, gikan sa 1993-1997.
Gisugdan ang pagtrabaho sa Transcentral Highway (TCH) atol sa iyang administrasyon. (REV)