TAGUM CITY, Davao del Norte -- Pagpanubay karon sa kapulisan sa Tagum City ang gihatagan og atensiyon sa mga imbestigador sa pagpusil-patay sa usa ka traysikel drayber alas 12:23 sa hapon, Hulyo 17, 2021 sa Barangay Visayan Village sa nahisgutang siyudad.
Nailhan ang biktima nga si Arvin Comaling, hamtong ang pangedaron ug nagpuyo sa Purok 27-Garinan, Madaum sa dakbayan.
Subay sa imbestigasyon sa Tagum Police, namasahero ang biktima niadtong tungura, padung sa usa ka mall sa siyudad, dihang kalit siyang gipusil sa wa pa mailhing suspek nga nakamotorsiklo.
Sa crime scene narekober sa kapulisan ang usa ka basiyo sa .45 Caliber pistol.
Wa pay matumbok ang Tagum Police og kinsa ang mga suspek ug motibo sa krimen. (Jeepy P. Compio)