9-anyos nalumos, naluwas

Screenshot sa video nga kuha ni Albert Tan
Screenshot sa video nga kuha ni Albert Tan

ISLAND GARDEN CITY OF SAMAL, Davao del Norte -- Suwerte nga naluwas ang usa ka 9-anyos human nga nangluspad na kini gikan sa pagkalumos sa dagat.

Sa video nga iya sa usa ka Albert Tan, makita nga gihatagan og Cardiopulmonary Resuscitation (CPR) ang 9-anyos ni Harbor Pilot Captain Serapio Bedico didto sa Pangubatan Beach sa Island Garden City of Samal niadtong Hulyo 18, 2021.

Sumala ni Serapio nga samtang nagpahulay sila sa maong beach resort kauban ang 8 fleet marine reserve force riders gikan sa usa ka ride, nadunggan nila nga dunay misiyagit nga nangayo og pakitabang nga naay nalumos.

Sa dihang gisusi, nakita nila ang usa ka 9-anyos nga bata nga gikarga sa lola gikan sa dagat.

Dali silang miresponde sa maong hitabo, kauban si Colonel Filomeno Carreon sa Phil Navy (Marines) (GSC), commanding officer Naval Reserve Center Eastern Mindanao, ug ilang gitabangan ang bata pinaagi sa CPR ug nabuhi ang bata.

Nailhan ni Serapio ang bata nga si Jade Macalam nga taga Anonang, Samal Island.

Dako ang pasalamat sa mga ginikanan ug kabanay sa bata ngadto sa harbor pilot ug sa kaubanan niini.

Hinuon, gipasayod sa maong harbor pilot nga bunga lamang kadto sa ilang nakat-unan sud sa ilang pagtuon sa ilang gisulod karon nga propesyon. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph