Aktibo nga kaso sa Covid-19 sa Cagayan de Oro misaka sa 1,010

MISAKA ang ihap sa mga aktibo ug bag-ong mga kaso sa coronavirus disease (Covid-19) sa Cagayan de Oro.

Anaa na sa 1,010 ang aktibo nga mga kaso ug 117 ang mga natala nga mga bag-ong kaso sa dakbayan.

Sa 117 ka mga bag-ong kaso, 54 niini mga local index cases, 43 ang mga local cases with link, 10 ang mga lokal nga authorized person outside residence (Apor), duha ang mga Apors with link, unom ang mga persons deprived of liberty (PDLs), ug duha ang mga patay.

Miabot sa 11,302 ang kinatibuk-ang ihap sa mga kaso sa Covid-19 sa dakbayan.

Ang Cagayan de Oro adunay 1,010 ka mga active cases, 344 niini na-admit sa Northern Mindanao Medical Center ug uban pang mga ospital sa syudad, 665 ang mga outpatients, ug usa ang ROF/LSI.

Nakatala usab og 27 ka mga coronavirus-positive nga mga kaso nga karon naka-recover. Anaa na karon sa 9,772 ang ihap sa mga nakarekober nga mga kaso sa dakbayan.

Ang ihap sa mga namatay sa Covid-19 sa syudad anaa na sa 520.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph