SUPERBALITA CEBU

Magdugay nga sakit

PAKYAS. Gihulagway sa lider sa Phoenix Suns nga si All-Star Chris Paul ang ilang kapakyasan sa NBA Finals batok sa Milwaukee Bucks nga usa ka sakit nga molanat og dugay. (AP)

GIHULAGWAY sa lider sa Phoenix Suns nga si All-Star guard Chris Paul nga kasakit nga molanat og dugay ang nasinati nilang kapakyasan sa National Basketball Association (NBA) Finals batok sa Milwuakee Bucks.

Dili ikalimod nga ubos sa liderato ni Paul, maayo ang dagan sa kampanya sa Nets sa season ug grabe sila ka inilog nga molampos sa NBA Finals hilabi na dihang naangkon nila ang kadaugan sa nag-unang duha ka mga series.

Apan sa wala damha, nasagunsonan ang Suns og upat ka mga pilde batok sa Bucks sa series nga natuldokan sa Game 6 kagahapon, Hulyo 21, 2021 (RP time), 4-2.

“Great group of guys, hell of a season,” matod ni Paul. “But this one’s gonna hurt for a while.”

Si Paul, kinsa nag-edad na og 36, nakapatong sa Finals sa labing unang higayon sa 16 niya ka mga tuig sa NBA.

Malaumon siya nga maangkon niya ang iyang labing unang kampyunato ug hasta sa Suns apan gisagpa siya sa kapakyasan.

Hinuon, kining maong kapakyasan dili makaapekto sa kalidad ni Paul isip usa ka magduduwa.

Usa siya ka 11-time All-Star, 10-time All-NBA selection, nine-time All-Defensive selection ug usahay tawgon siya og “Point God” gumikan sa iyang abilidad sa paggiya sa usa ka puwersa. Titulo na lang ang iyang kuwang ni Paul.

Lab-as pa man tuod kaayo ang sakit sa ilang kapakyasan apan nakalimot si Suns coach Monty Williams sa paghatag og gibug-aton sa natampo ni Paul sa ilang puwersa.

“I just think it speaks to his greatness,” matod ni Williams. “He’s a generational player. I said that 11 years ago when I coached him in New Orleans. Everywhere he’s gone, the team has won. They’ve improved.”

Gikan pa sa pagsugod sa season ug hilabi na sa Finals, si Paul ang nag-agak sa Suns apan wala siya nakalahutay batok sa puwersa sa ni 2-time MVP Giannis Antetokounmpo ug Bucks.

“Everybody in that locker room knows we had enough,” matod ni Paul. “But it wasn’t enough.”

Ang ubang mga sinaligan sa Suns nga sila si Devin Booker, Deandre Ayton ug Mikal Bridges pulos mga batan-on nga nakataak sa playoffs sa labing unang higayon.

Ning maong kamatuoran, wala’y nagtuo nga makaabot sa Finals ang Suns ug mao kini ang angay nilang ikapasigarbo.

“We grew all season long. Nobody expected us to be where we are except for us,” pasabot ni Paul. (AP)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph