BISAN wala nadayon ang pagbalik og duwa sa higanteng si Greg Slaughter, ang NorthPort Batang Pier nakamaneho gihapon paglampornas sa Phoenix Super LPG, 115-79, sa 2021 Philippine Basketball Association (PBA) Philippine Cup kagahapon, Hulyo 21, 2021 sa Ynares Sports Arena sa Pasig City.
Ning sangkaa, ang 7-footer nga si Slaughter gikataho nga moduwa naunta sa labing unang higayon isip usa ka Batang Pier apan wala kini nadayon. Wala mohatag og rason ang team management.
Hinuon, sa pagpangulo nila ni Kevin Ferrer, Troy Rike, ug Robert Bolick, ang Batang Pier nakarehistro gihapon sa una nilang kadaugan sulod sa duha ka mga duwa.
Ningmugna sila og 20 puntos matag usa. (ESL)