SUPERBALITA CEBU

Labella milugway sa iyang medical leave

SunStar File

NAGPABILIN sa pribadong tambalanan si Mayor Edgardo Labella gumikan sa pneumonia.

Kini ang gibutyag ni City Administrator Floro Casas Jr., sa Miyerkules, Hulyo 21, 2021. Sila si Casas ug Labella dunay kanunay nga komunikasyon sukad naospital ang mayor sa miaging semana tungod sa pagsigeg ubo.

Apan gihulagway ni Casas nga niarang-arang na ang kahimtang sa panglawas ni Labella human naatiman sa mga mananambal.

Si Labella nag-medical leave sugod niadtong Hulyo 14 hangtod sa Hulyo 16. Apan iya kining gilugwayan gikan sa Hulyo 19-25 aron siya maatiman pa og maayo sa mga doktor.

Niadtong Lunes, iyang gitudlo si Rama isip acting mayor hangtod sa iyang pagbalik.

Si Labella nabalaka sa miaging semana nga naigo siya sa pneumonia tungod sa iyang way undang nga ubo.

Si Casas nagkanayon nga karong Biyernes, ilang pakighinabian ang mga doktor nga maoy nag-atiman sa mayor kon mahimo na ba siyang mobalik sa pagtrabaho.

Unang nalandig si Labella sa tambalanan niadtong sa Enero niining tuiga gumikan sa ear infection.

Sa Hunyo, ni file usab siya og medical leave sulod sa tulo ka mga semana aron maulian gikan sa sepsis.

Sa gihimo nga check-up sa mayor, nasuta nga adunay sepsis si Labella hinungdan pagkaluya sa iyang kalawasan.

Sukad niadto, nag-work from home na lang ang mayor aron di siya ma-expose sa daghang mga tawo hilabi na nga kusog pa ang pagpanakod sa coronavirus disease 2019 (Covid-19). (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph