SUPERBALITA CEBU

Radio blocktimer gipusil, kritikal

Blocktime radio commentator gipusil sa Huwebes sa alas 8:57 sa buntag, Hulyo 22,2021 human sa iyang radio program sa sibyaanang dyRB sa Barangay Mambaling, Dakbayan sa Sugbo.

Ang daling gidala sa Cebu City Medical Center (CCMC) ug naa sa kritikal nga kahimtang mao si Rey Cortes, kinsa gipusil na usab pipila ka tuig na ang nakalabay, apan ni survive.

Si Cortes dunay usa ka samad sa dughan ug ang bala nilapos sa wala nga bukton.

Si Cebu City Councilor Dave Tumulak, kinsa maoy nipadala kang Cortes sa tambalanan, nisulti sa Superbalita Cebu nga nagkasugat pa sila ni Cortes sulod sa sibyaanan kay ang ilang programa nagsunod.

Ang programa ni Cortes nahuman sa alas 8:30 sa buntag ug siya ang mopuli.

Samtang siya nagprograma, dunay tawo nga nisaka sa sibyaanan ug nagpahibawo kaniya nga gipusil si Cortes.

Dali niyang gipadala sa iyang driver si Cortes sa tambalanan samtang wa niya tiwasa ang programa kay iyang gisusi ang kahimtang sa iyang kaubang brodkaster.

Matod ni Tumulak nga si Cortes diha pa sa gawas sa iyang sakyanan dihang gipusil.

Ang nakaapaan, matod ni Tumulak, kay way nakakita kinsa ang namusil.

Ang sibyaanang dyRB nahimutang duol sa Mambaling flyover. (REV, AYB, GPL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph