NAGPABILIN ang SM Foundation (SMFI), pangabagang corporate social responsibility (CSR) sa SM Group, nagkomitar sa pagpalambo sa kinabuhi sa mga Pilipino sa tibuok nasud - ilabi na kadtong nanimuyo sa mga komunidad sa kabarangayan - pinaagi sa ilang social good programs sa edukasyon, panglawas, panginabuhi, ug pagtubag sa mga katalagman.
Isip pangabagang CSR sa usa sa pinakadako nga hut-ong sa nasud, giseguro sa SMFI nga ilang mga programa mapalapdan gikan sa amihanan padulong sa habagatan sa nasud - mag-usab sa kinabuhi pinaagi sa usa ka programa ngadto sa laing programa.
Usa sa mga lugar sa habagatan kon diin naa ang SMFI mao ang Davao Region kon diin nahimutang ang ikatulong pinakadako nga siyudad sa Pilipinas, Davao City.
Gipagyaan isip brilyanteng korona sa Mindanao, kini maoy sentro sa rehiyon alang sa komersiyo, industriya, turismo ug patigayon.
Kini sab ang nagdumala sa duha ka SM malls—SM City Davao ug SM Lanang Premier - pulos aktibo nga nagsuporta sa tanang programa ug proyekto sa SM Foundation sa rehiyon.
Sa natad sab sa panglawas, ang SM Foundation mohatag ngadto sa Dabawenyos sa mga batakang serbisyong medikal, naglakip sa konsultasyon, laboratory tests, dental check-up, ug libreng mga medisina, ug uban pa, pinaagi sa ilang medical caravans. Dugang pa niini, nagpausab sab sa daghang mga health centers ug pasilidad medikal sa rehiyon.
Pipila sa gitawag og "all-time high runs" sa ilang medikal misyon sa Davao nahitabo niadtong Hunyo 2018 sa SM City Davao kon diin mitala kini og dul-an 900 ka benepisyaryo ug sa SM Lanang Premier kon diin kapin 700 pasyente nakadawat og batakang medical nga interbensiyon.
Kini nga rekord mas gilabwan pa sa miaging Disyembre 2019, kon diin ang ihap sa mga benepisyaryo sa SM Lanang Premier miabot og kapin 1,100.
Gikan 2013, 21 na ka medical and dental missions na ang gilusad aron pag-alagad sa kapin 17,500 benepisyaryo.
Dugang nalakip sa listahan sa gipalambo nga mga pasilidad alang sa panglawas mao ang Southern Philippines Medical Center, Tagum Main Health Center, Talomo North District Health Center, ug Camp Panacan Station Hospital of the Philippines.
Gawas sa mga programang panglawas gikan sa SMFI, ang Davao City nahimo sab nga benepisyaryo sa Kabalikat sa Kabuhayan (KSK) on Sustainable Agriculture program sa SM Foundation. Ang pasiuna sa KSK sa siyudad nakatabang sa Dabawenyos uban sa ilang mga gulay sa panimalay pinaagi sa pag-ugmad sa high-value nga mga gulay ug lagutmon sa limitadong espasyo gamit ang recyclable nga sudlanan.
Nakig-alayon ang SMFI sa Technical Education and Skills Development Authority (Tesda), Department of Social Welfare and Development (DSWD), ug Department of Agriculture (DA) niadtong miaging tuig aron mobansay og Dabawenyos sa Organic Agriculture NCII aron makaprodyus og way kemikal ug abundang ani nga ibaligya ug ikonsumo.
Samtang aron nga andamon ang Dabawenyos alang sa umaabot, gihimo ang mga inisyatibo sa social good sa Education SM Foundation nga naglakip sa pagpatukod og mga tulunghaan ug mga scholarship programs.
Ang unang SM school building sa Davao City mao ang one-storey, two-classroom building sa Tugbok National High School niadtong 2009 pinaagi sa SM Prime Holdings, Inc. pinaagi sa SM Foundation.
Alang sa iyang scholarship program, SM Foundation nakig-alayon sa mga dakong unibersidad sa rehiyon aron nga maseguro ang kalidad sa tertiary education alang sa mga scholars.
Ang SM Foundation mao ang social good arm sa SM Group of companies kon diin nagtutok sa pagpalambo sa kalidad sa kinabuhi sa mga Pilipino pinaagi sa paghatag og dalan ngadto sa dekalidad nga edukasyon, healthcare, malahutayong panguma, lakip ang sosyal, ug pag-alibyo panahon sa katalagman. (WGM/PR)