MGA 2,000 ka empleyado sa New City Commercial Corporation sa siyudad sa Davao nakadawat na sa ilang unang dose sa bakuna sa Covid-19 niadtong Hunyo 30, Hulyo 1, 3, 6, 17, 19-20, 2021 sa NCCC Mall Buhangin.
Laing 1,100 third party nga mga personahe nga naglakip sa security guards, maintenance, merchandisers, ug mall tenants nabakunahan sab.
Ang kinatibuk-ang bakuna nga gigahin alang sa NCCC naa sa 3,100 kon diin 1,600 niini Sinovac ug 1,500 doses mao ang AstraZeneca.
"Prior to this activity, we conducted series of online orientation to educate our employees about the benefits and importance of getting vaccinated. We have also cleared some misconceptions they have about its side effects," matud ni Dr. Lina Rabara, corporate physician.
Gipahimug-atan ni NCCC company nurse Benedict Gallardo ang kaimportanteng mabakunahan ang ilang natad sa trabaho, "we strongly encourage our associates to get vaccinated especially since we are exposed to different people daily. This is also to protect ourselves as front liners as well as our customers from contracting the virus."
Ang internal health ug medical team sa NCCC maoy nangulo sa kalihukan kon diin dunay lima ka doktor ug 10 ka mga nurses ang nagtimbayayong.
Laing 500 doses gitakda nga itusok sa Hulyo 27, 2021.
Ang Resbakuna drive alang sa category A4 gialayonan uban sa lokal nga panggamhanan sa siyudad sa Davao ug sa City Health Office.
Dunay 28 pa ka laing sectoral vaccination sites nga gipahimutang sulod sa siyudad aron nga mapaspasan ang pagbakuna sa mga tawo ubos sa A4 category. (WGM/PR)