SUPERBALITA DAVAO

Bise Mayor Baste positibo sa coronavirus

File

NAGPOSITIBO sa Covid-19 virus si Presidential son ug Davao City Vice Mayor Sebastian "Baste" Duterte.

Kini maoy gibutyag sa iyang maguwang babaye, Davao City Mayor Sara Duterte-Carpio, sa Facebook post niadtong Miyerkules sa gabii, Hulyo 21, 2021.

"Sa ngayon, via video call muna ang family kumustahan nang malaman naming positive sa Covid-19 si Vice Mayor Baste. Get well soon Vice! Smile *smile emoji*," gi-post sa mayor.

Milabay ang pipila ka oras, ang manghod nga Duterte nagsulti sa hamubo nga Facebook post nga siya "okay."

"Salamat. Okay ra ko. Mahalaga ang importante okay ra mo," matud sa bise mayor.

Niadtong hapon sa Miyerkules, nagpaambit si Duterte sa iyang Instagram account og video chat uban sa tibuok pamilyang Duterte.

Nalakip sa screenshot mao ang iyang mga ginikanan, President Rodrigo Duterte ug Elizabeth Zimmerman, ug iyang mga anak, Sara ug Davao City First District Representative Paolo Duterte.

Ang bise mayor wala pa moisyu og opisyal nga pahayag sa iyang kasamtangang kahimtang.

Niadtong Marso 2020, pipila ka semana human ang siyaudad unang nagdeklara og community quarantine, si Baste gitumbok isip person under monitoring (PUM) human nagpakita og flu-like symptoms. Ang PUM classification giwagtang sa Department of Health.

Si Baste misalmot sa politika niadtong 2019, kon diin gipili siya nga way kontra sa vice mayoralty nga posisyon.

Ang bise mayor hagbay nang nangalagad isip acting mayor kon iyang igsuon naa sa medical leave ug opisyal nga lakaw gawas sa siyudad.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph