Nasunogan sa Dumalag gidasig ni Duterte-Carpio

PAGDASIG. Makita si Davao City Mayor Sara Duterte-Carpio nga iyang gihimamat ang mga bata nga nasunogan sa Punta Dumalag, Matina Aplaya, Davao City atol sa gihimong stress debriefing nga gipangunahan sa City Social Welfare and Development Office. (CIO)
PAGDASIG. Makita si Davao City Mayor Sara Duterte-Carpio nga iyang gihimamat ang mga bata nga nasunogan sa Punta Dumalag, Matina Aplaya, Davao City atol sa gihimong stress debriefing nga gipangunahan sa City Social Welfare and Development Office. (CIO)

DAKO ang pasalamat ug kalipay bisan pa man sa nahitabo dihang gibisita ni Davao City Mayor Sara Duterte-Carpio sa miaging adlaw ang mga biktima sa sunog sa Punta Dumalag, Barangay Matina Aplaya, siyudad sa Davao.

Tanang gihimong temporary shelter sa biktima giadtoan ni Duterte-Carpio ug gikumusta ang mga apektadong pamilya.

Nakig-istorya sab si Duterte-Carpio sa mga bata nga gipaubos sa stress debriefing nga gipangunahan sa City Social Welfare and Development Office (CSWDO).

Gipangsultihan sila ni Duterte-Carpio nga bisan pa man sa nahitabo, kinahanglan magmalig-on ug di magpadala sa mga pagsulay.

Gipasalig sab sa Mayor nga gilayong maayudahan og hinabang pinansiyal pinaagi sa CSWDO ang mga biktima aron ilang magamit sa ilang mga panginahanglan.

Nauna nang nadalit sa CSWDO ang mga panginahanglan sa 166 ka pamilya nga apektado sa sunog sama sa food packs, mga gamit pangkusina, hygiene kits ug mga higdaanan aron komportable ang ilang kahimtang sa temporary shelter. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph