ANAA sa 24 ka mga indibiduwal ang gipangkasohan karon sa Talomo Police Station sa paglapas sa Republic Act 11332 in relation to Executive Order (EO) 31-B Series of 2021 (Violation of Liquor Ban, Curfew Hours, Non-wearing of face masks and non-observance of Social Distancing) human sila masikop nga nagtagay.
Huwebes sa gabii, Hulyo 22, gisuhid sa Talomo police ang San Antonio Matina ug naaktuhan nga nagtagay og ilimnong makahubog ang mga nahisgutan luyo sa pagpatuman sa liquor ban.
Ang mga dinakpan nagpangedaron og 18-21 anyos diin nakumpiska gikan sa ilang posisyon ang tulo ka mga botelya sa ilimnong makahubog.
Pag-abot sa istasyon sa Talomo police, mi-posing pa ang mga nahisgutan dihang gihulagwayan sila alang sa dokyumentasyon.
Sumala nila, dili sila mag-inom kung walay namaligya og ilimnong makahubog.
Sa pagsulat ning balita Byernes, Hulyo 23, gipang-kustodiya pa ang mga nahisgutan sa Talomo police. (Jeepy P. Compio)