MINGHOY ang duha ka babaye dihang napalitan sa mga pulis og ilimnong makahubog niadtong Miyerkules sa gabii didto sa S.I.R, Davao City.
Ang duha mao si Mica (bansagon gitago), 24-anyos, ug usa ka Helen, 45-anyos, pulos molupyo sa dapit.
Una niini, ang kapulisan sa Baliok Police Station nakadawat og impormasyon nga dunay hitak nga pagpaninda og beer sa ilang dapit.
Gilayong mihimo og test buy ang kapulisan ug positibong mibaligya ang mga nahisgutan sa nagtakuban nga pulis.
Human gitunol ang beer, gilayong giimbitahan ang 24-anyos sa presinto samtang dungan sab ang test buy sa unahan nga tindahan sa dapit.
Dungan nga gipangdala sa presinto ang duruha ug nakatakdang pasakaan og kaso didto sa korte.