Ang Department of Social Welfare and Development Field Office VII (DSWD 7) nangayo og panabang sa publiko sa pagtultol sa ilang mga ginikanan o kabanay:
1. Bernard Constantino, gibanabana nga 7 anyos.
2. Aljen Constantino, gibanabana nga 5 anyos.
3. Andrian Jr. Cabahug, 7 anyos.
Si Bernard gi-turn over sa BPSO Barangay Banilad, Mandaue City ngadto sa City Social Welfare Services, Mandaue City niadtong Nobiyembre 17, 2018, 8:35 sa gabii paghuman nakit-ang naglakaw-lakaw sa maong barangay nga walay kuyog.
Samtang si Aljen gi-turn-over kaniadtong January 24, 2019, 10:00 sa buntag ngadto sa City Social Welfare Services, Mandaue City.
Sa susamang petsa, Nobiyembre 7, 2018, gibiyaan silang Bernard ug Aljen Constantino didto sa ilang giabangan nga kuwarto sa gituohang inahan nga si Jasmin Constantino. Kini sumala sa gisaysay ni Mary Faith Tubod, tag-iya sa ilang gipuy-an.
Para maamumahan og usa ka pamilya, sila si Aljen ug Bernard gibutang sa usa ka licensed foster family sa DSWD FO 7 niadtong May 28, 2019.
Kinsa kadtong dunay kahibalo sa ginikanan o paryente niining mga bataa, palihog og tawag sa (032) 232-8795, (032) 232-0261, Telefax: (032) 231.2172 ug pangitaon ang social worker nga si May Sunshine G. Sastre o bisita sa DSWD 7, sa Brgy. Carreta, Cebu City, Lunes-Biyernes; 9:00 a.m.-5 p.m. sa labing madali nga panahon.
Kon walay motunga nga ginikanan o paryente sa maong mga bata sulod sa usa ka bulan, ang mga bata ipaubos sa “legal abandonment” sa DSWD Central Office ug maisyuhan og certification nga sila “Legally Available for Adoption.”
Ang certification ubos sa hangyo sa DSWD 7 alang sa pag-file og petisyon sa pagdeklarar sa mga nahisgotang bata sa taas nga legally available alang sa adoption, ubos sa RA 9523. (PR)