Spence wa magtutok sa iyang bintaha

Gitataw ni American Errol Spence Jr. nga wala siya maghunahuna kabahin sa iyang 11 ka mga tuig nga bintaha sa pangidaron kabahin sa umaabot niyang away batok kang Filipino boxing icon Manny Pacquiao.

Alang sa 31 anyos nga si Spence, wala’y kalambigitan ang edad kon unsa ma’y mogawas nga resulta sa ilang away sa 42 nga si Pacquiao karong Agusto 21, 2021 sa T-Mobile Arena sa Las Vegas, USA.

Nagtuo si Spence nga atol sa away, ikaharong ang abilidad nga nagpadaog kanbg Pacquiao batok sa iyang kababayang si Keith Thurman, duha na ka mga tuig ang nakalabay.

“I just feel like, you know, just because he’s 42, about to turn 43, that doesn’t mean nothing cuz, you know, he doesn’t blow up in weight,” pasabot ni Spence sa interbyu sa FOX Sports.

“That’s why he’s been the same Manny Pacquiao for all these years and decades cuz, you know, he’s a guy that takes care of his body and, you know, stay disciplined, like he said. So, and that’s what I’m looking for. I’m looking for the Manny Pacquiao that fought Keith Thurman, the Manny Pacquiao before that.”

Si Spence, kinsa adunay 27-0-21KOs nga rekord, modepensa sa iyang World Boxing Council (WBC) ug International Boxing Federation (IBF) welterweight titles batok kang Pacquiao, kinsa naggunit og 62-7-2, 39 KOs nga baraha. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph