Usa ka archaeological survey ug excavation gihimo sa lungsod sa San Remigio ug ubang bahin sa amihanang Sugbo isip lakang sa pagpreserbar sa Cebuano heritage.
Ang Northern Cebu Archeological Project, hiniusang pwersa sa National Museum of the Philippines (NMP) ug Aboitiz Foundation, uban sa University of San Carlos (USC) sa daknbayan sa Sugbo, gitumong sa paglatid sa protocol ug methodology alang sa systematic archaeological studies sa Sugbo.
Ang Aboitiz Foundation, Inc. pinaagi sa iyang Presidente ug COO Maribeth L. Marasigan, nitugot sa pagsuporta sa NMP pinaagi sa dos milyunes nga donasyon sa archeological heritage preservation initiatives.
Pinaagi sa proyekto, mahimo ang template sa nagpadayong pagtuon ug bahandi nga ugkaton ug ipreserbar nga data sa archaeological sites ug landscapes ang pagahimuon.
Nag-unang tumong sa proyekto mao ang pagpalambo sa geospatial database sa pag-record sa tanang archeological sites ug resources sa Sugbo pinaagi sa paggamit sa state-of-the-art archeological methods ug aplikasyon.
Bisan sa nagtumaw nga quarantines ug travel restrictions, ang NMP Project Team lubos sa pagpangulo ni Deputy Director-General for Museums Dr. Ana P. Labrador, uban ni Alexandra de Leon sa Archaeology Division, nakahukom sa pagpadayon sa proyekto.
Uban kini sa paggiya sa Cebu-based archaeologists Drs. John A. Peterson ug J. Eleazar R. Bersales sa USC Department of Anthropology, Sociology, and History.
“We’re excited to have the support of the Aboitiz Foundation and the National Museum of the Philippines to conduct intensive field studies in north Cebu. Previous work has always been scattered and unfocused; this gives us a very systematic way to survey archaeological sites,” matod ni Dr. Peterson, Principal Investigator sa Northern Cebu Archaeological Project 2021.
Sumala ni NMP Director-General Jeremy Barns, kini nga archaeological project gituhoan nga mahimong basihanan sa NMP samtang nangita sa iyang bag-ong pamaagi uban sa partners sa natad sa archaeology lakip sa pagtubag sa mga hagit taliwala sa Covid-19 pandemic nga daghang limitasyon.
“As we remain grounded in our Cebuano roots, we in the Aboitiz Group are proud to partner with the National Museum of the Philippines and the University of Cebu for this groundbreaking archaeological initiative to preserve the Cebuano heritage,” matod ni Aboitiz Foundation President ug COO Maribeth L. Marasigan. (PR)