Dear Noy Kulas,
Tagoa ko sa ngalan nga Daisy. Taga Cebu City ko ug minyo but buwag na sa bana. Wa na mi communication for nine years. Wa na ko kahibawo asa na siya karon.
Nakauyab ko og manghod pa nako og 12 years. Mag six months na ang among relationship. Buotan siya but very aggressive sa kama. Di ko katuo kay angel kaayo manulti. Pino pa kaayo og lihok ug maalaan nga bayot gani but pwera buyag, panington ko og bugbog ani niya basta naa na sa kama.
Ang akong duha ka mga anak okay ra sa iyaha kay caring pud kaayo ning tawhana. Mokatawa lang sila kay ngano kunong nakauyab ko og mas batan-on kay nako. But kani akong mga anak dugay na gasulti nako nga mangita na ko og lain aron malingaw ko. Sobra pa sa lingaw sukad akong na meet si Jay.
But karon ang akong problema, nagsige na siya og panghagad nako og minyo. Nibalibad na ko niya kay minyo ko but pursegido man gud ni siya uy. Ambot lang ani niya. Unsa kahay akong buhaton kay willing siya mogasto sa akong annulment. Please tambagi ko, Noy Kulas.
DAISY
Daisy,
Ingna siya nga mokonsulta og abogado aron mas magiyahan mo. I think naay mas barato nga paagi nga mawagtangan og bisa ang imong kaminyuon since nine years na man kaha kang wa na masayod kon buhi o patay na ang imong bana. Kay if modiretso mo sa annulment, dako pa kaayong gasto unya dugay pa kaayo ang proseso. Hinuon wa na man kinahanglana ang psychologist nga usa sab sa makadako sa gasto.
Wa may problema ang inyong gap sa edad. Okay ra man nang 12 years basta magkasinabot lang. But mas maayo gyud unta kon ang lalake maoy mas maguwang kay di kaayo obvious. Mao unta na ang ideal. But tungod tingali sa panahon karon, dunay mga tawo nga di na mag mind sa edad.
NOY KULAS
rojval69@yahoo.com