SUPERBALITA CEBU

Persons of interest pagpatay ni Cortes

Nagtabo ang Special Investigation Task Group (SITG)sa Cebu City Police Office (CCPO) kagahapon, Hulyo 26, alang sa nagpadayon nga imbestigasyon sa pagpusil-patay kang radio blocktimer Reynante Cortes sa miaging semana.

Niapil sa imbestigasyon mao ang Presidential Task Force on Media Security sa Malacañang.

Ang naglangkob sa SITG naglakip sa Mambaling Police Station, Investigation Branch sa CCPe, PNP Crime laboratory ug ang Criminal Investigation and Detection Group (CIDG) 7.

Matag unit adunay tahas si Police Colonel Josefino Ligan, hepe sa CCPO, aron mapadali ang pagkuha sa mga ebidensya ug posibling pag ila sa mga mamumuno.

Matod ni Police Lieutenant Colonel Wilbert Parilla, deputy city director for operation sa CCPO, miapil sa tigom ang Presidential Task Force on Media Security pinaagi ni Usec. Jose Joel Igco.

Gibutyag ni Parilla nga sa pagkakaron, wala pa silay matumbok nga responsabli apan aduna na silay mga persons of interest.

Apan iyang gitug-an nga lubog pa ang inisyal nga resulta sa imbestigasyon tungod kay daghan pa silag gipang tan-aw usa na niini ang may kalabutan sa iyang pagkabrodkaster ug ila usab nga gisubay ang personal nga kalihukan sa magsisibya.

Giangkon ni Parilla nga sukad sa nahitabong pagpamusil, wala pay saksi nga mipatim-aw aron mohatag sa iyang pamahayag.

Awhag nila sa pamilya sa biktima nga labing maayo nga ihatag sa SITG ang cellular phone ni Cortes aron mapaubos kini sa electronic investigation.

Ilang kuhaan og pamahayag si Konsehal Dave Tumulak sanglit diha hitabo sa pagpamusil aron matandi ang pamahayag sa body guards.

Karong Huwebes, Hulyo 29, ipatawag sa SITG ang ballistician sa PNP Crime laboratory aron mahibaw-an ang matang sa armas sa krimen. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!