SUPERBALITA CEBU

Health protocol gihigpit

Health protocol gihigpit. (File photo)

Parehong miluwat og mga bag-ong executive orders (EO) ang tri-cities sa Sugbo, Lapu-Lapu ug Mandaue kagahapon, Hulyo 26, 2021 bahin sa pagbalik sa higpit nga protocol batok sa coronavirus disease 2019 (Covid-19).

CEBU CITY



Si Acting Mayor Michael Rama niluwat og EO 136 sa pagbalik sa liquor ban ug patas-an ang oras sa curfew.

“If we do not do our act now, it is a matter of agreeing that we want to be under ECQ or we wish to maintain being in the MGCQ,” padayag ni Rama.

Sa kasamtangan, ang curfew sa Cebu City magsugod sa alas 11 sa gabii hangtod sa alas 5:00 sa kaadlawon matag adlaw, apan gisibog sa alas 10:00 sa gabii ngadto sa alas 4:00 sa kaadlawon.

Giablihan na ang mga imnanan niadtong Mayo 6, 2021 dihang nikunhod ang kaso sa Covid-19 apan gibalik karon ang ban sa pag-inom sa mga publikong dapit.

Dugang ni Rama nga kon moubos na ang kaso sa Covid-19 paglabay sa usa ka buwan, ibalik na usab ang naandan aron motuyok ang ekonomiya.

Gipadayag usab niya nga magpadayon ang vaccination rollout bisan pa kon estriktuhon og balik ang implementasyon sa health protocol.

Sa kasamtangan, ang Cebu City adunay 1,855 active cases base sa listahan sa Emergency Operation Center (EOC).

Sa kinatibuk-an, niabot na og 28,565 ka mga tawo ang napositibo sa Covid-19 diin 25, 798 ang hingpit mang maka-recover ug 912 na ka kinabuhi ang nakalas.

Samtang, ang Cebu City POoice Office (CCPO) andam sa pagpatuman sa higpit nga protocol base sa bag-ong EO ni Rama.

Si Police Lieutenant Colonel Wilbert Parilla, deputy city director for operation sa CCPO, nagkanayon nga dako kini og tabang sa pagpakunhod sa kaso sa Covid-19 human malimitahan ang paggawas sa mga tawo panahon sa kagabhion.

LAPU-LAPU CITY



Si Lapu-Lapu City Mayor Junard Chan niluwat og EO nga niepekto sugod kagahapon, Hulyo 26, ug motapos kini sa Agusto 25.

Base sa bag-ong kamandoan ni Chan, higpit nga gidili ang tanang matang sa sports, contact ug non-contact.

Wala na usay gitugotan nga mass gatherings ug ubang panagtapok sa tawo.

Ang paggawas sa gabii alang sa importanteng lakaw, trabaho ug ubang aktibidades nga mabuhat ubos sa modified general community quarantine (MGCQ).

Wa malakip sa gidili ang birthday party, kasal ug bunyag apan kinahanglang motuman sa minimum health protocol ug 50 porysento ra sa kapasidad sa venue ug mosunod sa oras sa curfew nga alas 10 sa gabii hangtod sa alas 5:00 sa kaadlawon.

Wala usay gitugotang makainom ug ilimnong makahubog sa publikong dapit.

Ang haya pagatugotan gihapon apan sulod lang sa tulo ka adlaw ug kinahanglan sundon ang curfew.

Ang mga hotel ug resort makahatag og ilimnong makahubog sa ilang guests apan imnon sa ilang lawak sa hotel.

Higpit na usab nga gidili ang pag-videoke ug karaoke.

Bugtong ang dunay vaccination card ang tugotang makasulod sa mga pribado ug publikong merkado sa dakbayan, malls, supermarket, convenience stores ug department stores.

Mag-atubang ang violators og tukmang silot mga nalatid sa lagda sa kagamhanan.

MANDAUE CITY



Si Mayor Jonas Cortes niluwat usab og EO 22 nga nag-estriko sa protocol batok sa Covid-19 nga bag-ong lagda sa ban sa pag-inom sa publikong dapit ug ang hugot nga pagpatuman sa curfew hours sa pagsanta sa Covid-19. (PAC, GCM, KFD, AYB)

VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!