Nadakpan sa hiniusang pwersa sa Philippine Drug Enforcement Agency (PDEA) 7, Police Intelligence Unit ug Provincial Drug Enforcement Unit sa Cebu Police Provincial Office (CPPO) ang usa ka mag-uuma nga nanamom og marijuana.
Wa makaipsot ang suspek nga giilang si Edwin Camaongay, 47, taga Langosig, Danao City dihang gi-raid ang plantasyon sa marijuana sa alas 7:30 sa buntag sa Lunes, Hulyo 26, 2021.
Ang mga 1,000 metro kwadradong plantasyon nahimutang sa bukirang dapit sa Purok 1, Barangay Kaluangan, lungsod sa Asturias, Sugbo.
Ang 10,150 ka hingkod nga mga punoan sa marijuana dunay gibana-banang balor nga P4,060,000.
Nagkuha lang og sample ang PDEA 7 samtang ang nahabilin ilang gipangsunog.
Si Camaoangay pasakaan og kasong kalapasan sa Section 16, Article II sa Repulic Act 9165 kun Comprehensive Dangerous Drugs Act of 2002. (AYB)