SUPERBALITA CEBU

Magtiayon sa Sibonga gahikog

Nakaplagan nga nagbitay ug wa nay kinabuhi ang usa ka managtiayon sud sa ilang sa balay sa Purok 3, Brgy. Bae, bukirang bahin sa Lungsod sa Sibonga, Cebu sa Lunes sa gabii, Hulyo 26, 2021.

Nailhan sila nga si Bernardo Billaber Celada, 64, mag-uuma, ug iyang asawa nga si Lolita, 62.

Sa inisyal nga imbestigasyon sa kapulisan, si Zosimo Ordeñiza, umagad padung unta nga maghatod og tambal sa iyang mga ugangan. Apan siya nahibung kay pawong ang tanang mga suga sa balay samtang abli ra ang pultahan.

Sa pagduda nga dunay dautang hitabo, siya nangayo og tabang sa barangay.

Uban ang barangay kapitan ug mga tanod, ilang gisud ang balay sa magtiayong Celada ug nakaplagan ang duha nga nagbitay ug patay na sud sa ilang kan-anan.

Matod ni Police Master Sergeant Michelle Ponce, imbestigador sa Sibonga Police Station, nga hayan unang gihiktan sa bana ang iyang asawa nga paralyzed una usab siya naghikog pinaagi sa paghigot og pisi sa liog.

Nasayran sa kapulisan nga ang duha mao na lay nagpuyo sa ilang panimalay human mangamatay ang ilang duha ka mga anak. Nasayran usab sa kapulisan nga si Bernardo misuway na sa paghikog niadtong Disyembre 2020 pinaagi sa pag-inom og pesticide apan napugngan.

Gibuhat kini ni Bernardo human naospital ug naparalisado ang iyang asawa. (JDS)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!