Babaye nga nag viral sa social media human gipasanginlan nga wala mobayad sa balanse sa iyang gi order nga pagkaon nireklamo sa Mabolo Police Station sa Cebu City Police Office (CCPO).
Ang nireklamo og alarm and scandal mao si Maria Amy Fortilina batok kang Marjorie Abasbas.
Si Marjorie misulod, matod pa, sa iyang propiedad sa Barangay Babag, bukirang dapit sa siyudad sa Sugbo.
Apan gitambagan sa Mabolo Police Station si Fortilina nga dalhon pag una ang iyang reklamo ngadto sa barangay sa Babag diin nahitabo ang ilang komprontase.
Ang komprontase sa duha sa pagkaong balor og P17,000 kapin nag viral human gi-Facebook Live ni Abasbas ang iyang pagpaningil kang Fortilina sa balanse sa bayranan sa order nga pagkaon nga package nga naglakip sa usa ka dakong lechon baboy.
Daghang meme ang mitumaw sa social media tungod sa ilang lalis. (AYB)