GIPANGBALHOG sa Toril Police Station ang lima ka mga lalaki nga maaktuhan nga nagduwa og "Lucky 9" Martes sa buntag, Hulyo 27, sa Toril Public Market, Davao City.
Sumala ni Police Major Michael Uyanguren, hepe sa Toril Police Station, nga nakadawat og impormasyon ang istasyon, hinungdan nga gilayong giadtoan ang dapit.
Perteng lingawa sa lima nga nagduwa niini ug wala na sila nakabantay nga naa na ang mga pulis sa ilang palibot, hinungdan nga wala na sila nakasibat.
Nakuha sa ilang posisyon ang salapi isip pusta ug uban pang ebidensiya.
Gipangkasohan sab sa korte ang lima, kinsa ang uban dali ra sab nga mipiyansa bugti sa ilang temporaryo nga kagawasan sa kasong illegal gambling. (Jeepy P. Compio)