Hidilyn Diaz gi-uwan og minilyon nga mga ganti

Ning aktoha, si Hidilyn Diaz nga mi perform aron pagsakmit sa unang Gold Medal sa Pilipinas sa Olympics. (AP photo)
Ning aktoha, si Hidilyn Diaz nga mi perform aron pagsakmit sa unang Gold Medal sa Pilipinas sa Olympics. (AP photo)

I-UWAN ug way hunong ang mga pasidungog ni Hidilyn Diaz human sa iyang malampuson nga paglangkat sa unang Tokyo Olympic gold medal sa Pilipinas.

Sa uwahing tala sa mga mihatag og pinansiyal nga pahalipay, ang Phoenix misaad usab og laing P5 milyon nga insentibo ngadto sa 30-anyos nga weightlifter.

Si Atty. Raymond Zorilla, ang senior vice president for external affairs sa Phoenix Petroleum Philippines Inc., maoy mipahibawo ning maong kalambuan isip representante sa Phoenix Petroleum owner nga si Dennis Uy, usa ka adlaw human sa makasaysayong performance ni Diaz sa women's 55-kilogram event sa Tokyo Games.

“Phoenix thru Siklab Atleta is giving Hidilyn Diaz P5 million and lifetime free fuel for winning the Olympic gold,” matod ni Zorilla, kinsa mao usab ang board of governor sa Fuel Masters sa PBA.

Una niini, si Dr. Andrew Tan sa Megaworld ang misaad usab og condominium unit sa Eastwood City nga mokantidad og P14 milyon.

Ang presidente sa Philippine Olympic Committee nga si Bambol Tolention ang mipasalig usab og house and lot samtang laing house and lot gikan sa Century Properties nga mokantidad og P4 milyon.

Sa sayo pa, ang gobiyerno, pinaagi sa Philippine Sports Commission (PSC), mikomiter og P10 milyon, laing P10 milyon ni Ramon S. Ang, P10 milyon gikan ni Manny V. Pangilinan, P3 milyon gikan ni Mikee Romero, ug aduna pay free flights sa Air Asia. (JBM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph