Laing taga Cebu nanamilit sa Tokyo

Laing taga dakbayan sa Sugbo nga atleta nga si Fil-Japanese Kiyomi Watanabe nanamilit sa Tokyo Games human siya gilupig ni Cristina Cabana Perez sa Spain sa round-of-32 sa women’s -63kg division kagahapon sa buntag, Hulyo 27, 2021.

Sa sangka nga milanat lang og 38 segundos, si Perez midispatsar ni Watanabe pinaagi sa ippon.

Si Watanabe maoy ikaduhang taga Sugbo nga atleta nga nanamilit sa kompetisyon sunod ni skateboarder Margielyn Didal.

Si Philippine Judo Federation president Dave Carter mipadayag sa iyang kasagmuyo sa resulta ug matod niya, adunay sayop sa desisyon sa referee.

“Yes, it was wrong. I am also an international referee. I understand the rules very well. They made a mistake,” mensahe ni Carter ngadto sa GMA News Online.

Hinuon mao pa lang kini ang labing unang higayon nga nakaduwa ang 24 anyos nga si Watanabe sa Olympics ug masaligon si Carter nga makabawi kini sa ugma damlag. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph