SUPERBALITA CEBU

Ahong nagduha-duha sa pagpatuman sa EO

Lapu-Lapu City Mayor Junard “Ahong” Chan. (File photo)

Tun-an pa ni Lapu-Lapu City Mayor Junard “Ahong” Chan kon idayon o dili ang pagpatuman sa Section 4 nga nalatid sa iyang bag-ong executive order (EO) nga miani ug daghang komentaryo gikan sa netizens ug publiko.

Nalatid sa maong EO nga gikinahanglan nga kadto lang nabakunahan ang tugotan nga makasulod sa merkado publiko o sa ubang tindahan sa dakbayan, lakip na ngadto sa department ug convenience store sa sugod sa Agusto 25.

Gipasabot sa mayor nga adunay igong panahon sa dili pa hingpit ipa-implementar ang maong executive order busa walay angayang kabalak-an ang publiko.

Gitakda pa sa Agosto 25 ang implementasyon sa maong EO, igo sab nga makapabakuna ang uban.

Si Chan mibutyag nga sa maong paagi nga mapugngan ang pagkatap sa kaso sa coronavirus disease (Covid-19) sa dakbayan.

“Tinuod unpopular ni siya but this is the only answer mao ra gyud ni time will come moabot ra kay ug dili ni nako buhaton. Probably in two weeks time maglisod na ta og lihok kay wa natay kabutangan sa atong pasyente,” matod ni Chan.

Mga pribado ug publikong tambalanan sa Lapu-Lapu ang misugwak na sa mga pasyente.

Samtang puno na sab sa mga pasyente ang isolation facility diin sagad nga kadtong wa pa mabakunahi ang nagpositibo.

Giklaro ni Chan dili niya buot pang ibalik ang pagpatuman sa mas higpit nga quarantine qualification ang dakbayan.

Kasamtangan gipa-ubos ang Lapu-Lapu sa modified general community quarantine (MGCQ). (GCM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph