SECTIONS
Superbalita Davao
Thursday, September 16, 2021
SUPERBALITA DAVAO

Bashers ni Kap. January gitubag

Hulagway iya sa First Congressional District Communication and Information Office

GILAYONG gitubag ni Davao City First District Congressman Paolo "Pulong" Duterte ang mga bashers sa social media batok sa iyang asawa nga si Barangay Catalunan Grande Kapitan January Duterte.

Una niini, daghan ang nagkomento nga mga netizens sa post sa SunStar Davao sa hulagway ni Rep. Duterte ug ni Kapitan January atol sa ilang pagtambong sa ika-unom ug ulahing State of the Nation Address (Sona) ni Pangulong Rodrigo Duterte sa Batasang Pambansa Complex niadtong Lunes, Hulyo 26, 2021.

Human nakita ni Rep. Duterte ang mga komento, gitubag niya kini pinaagi sa pagpadala og usa ka private message sa Superbalita Davao Miyerkules.

Unang punto sa Kongresista mao ang problema sa water ug power interruption sa pipila ka bahin sa Barangay Catalunan Grande.

"First of all, the problem with water interruption and power interruption naay mga hotline ang DCWD (Davao City Water District) and DLPC (Davao Light and Power Company)," unang hanig sa iyang pamahayag.

Ang problema sab sa drainage system sa maong barangay iya kining gipatubag sa Department of Public Works and Highways (DPWH).

“Gireklamo na pod namo na sa akong asawa as barangay captain ug ako mismo as congressman," niya pa.

Sa mga panguntana sa netizens nganong dili kuno makit-an si Kap. Duterte, ania ang tubag ni Cong. Pulong, "Sa pangutana sa mga tawo nganong di makit-an ang kapitana, naa sa IATF nga skeletal force lang sa brgy. or govt. offices. Personally galikay pod mi kay naa mi mga anak."

Gidugang sa opisyal nga kon wala ang kapitan, daghan og mga pamaagi aron matubag ang giingong mga mulo sa katawhan sa barangay aron kini gilayong maaksiyonan.

"Bisan wala ang kapitan, padayon man gihapon ang serbisyo sa barangay kay naa man daghan pamaagi sama sa cellphone ug zoom nga mahatagan og instruction ang mga barangay personnels kung naay mubutho nga problema," sulti ni Rep. Duterte.

Sa mga komento sab sa pagtambong sa mag-asawa sa Sona ni Pangulong Duterte, ang tubag ni Rep. Pulong, "Ang pagtambong namo sa Sona amoa to nga obligasyon as member of the first family, and ako as a Congressman, mopakita og pagsuporta sa Presidente sa Pilipinas nga amoang amahan."

Pintok nga giingon ni Rep. Duterte nga ang eleksiyon ang dalan nga puwede sila mailisdan kung wala na ganahi ang katawhan kanila.

"Kon sa tan-aw nila or wa na sila ganahi sa among pagpanerbisyo naa man tay election they can choose kung kinsa ang modumala nila. Pildi smile ug daug smile gihapon. Life is too short para lang problemahon ang mga netizens diha sa social media labi na sa Facebook," pintok nga panapos sa Kongresista. (Jeepy P. Compio)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph