'Live wire' natumbay, patay

Hulagway iya sa DCPO
Hulagway iya sa DCPO

DEAD on the spot ang usa ka drayber sa dump truck human nakuryentehan sa live wire sa Davao Light and Power Company (DLPC) 1:55 sa hapon niadtong Hulyo 26, 2021, didto sa Barangay Bato, Toril, Davao City.

Ala 1:40 sa hapon, miabot ang kapulisan sa Toril Police Station sa dapit ug nasuta nga nasunog ang porsiyon sa dump truck human nga mipaka ang live wire nga nadikitan niini.

Nasayran nga gilayong minaog ang drayber nga si Dennis Buna Abragan, 42, empleyado sa Rodphil Company, ug nagpuyo sa Barangay Darong, Sta. Cruz, Davao del Sur, apan iyang natamakan ang live wire nga naa sa kalsada.

Gitabang pa siya sa iyang kauban nga si Alnie Amoro, apan nakuryentehan sab kini.

Gilayong miabot ang mga bombero nga gikan sa Toril aron palungon ang kalayo, samtang gitabang sa Ambulance No. 2 sa Central 911 ang mga biktima ug gideklara nga dead on the spot si Abragan.

Ang patay nga lawas sa biktima naa sa Villa Funeral Homes sa Macleod, Toril, Davao City alang sa autopsy, samtang ang kauban niini anaa nagpaalim sud sa Southern Philippines Medical Center.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph