Langgam nahapak sa nawng

“A BIRD flew on my face! A bird flew on my face! Oh my God!”

Kini maoy syagit sa usa ka 13 anyos nga babaye didto sa Pennsylvania human usa ka langgam ang nahapak sa iyang nawng samtang nagsakay og rides sa amusement park.

Ang maong panghitabo nakuhaan mismo og video samtang siya ug iyang higala nagsakay sa Springshot ride sa Moyey’s Piers sa Wildwood, New Jersey.

Nagsaulog sa iyang 14 anyos nga adlawng natawhan si Kiley Holman uban sa iyang amiga nga si Georgia Reed niadtong Hulyo 6 samtang kini nagsakay sa ride molabay nila sa gipaspason nga 75 mph.

“When I got shot up, then I saw it. It was going the opposite way and then it came back and hit me right in the face. It felt really light and it only left like the tiniest scratch,” ni Holman sa local station nga WPVI.

Grabeng pagsiyagit ni Holman apan way idea si Reed sa panghitabo.

Sigun ni Holman nga iyang giingnan iyang amiga sa hitabo apan gipahunong siya niini aron di kini makasuka.

Ang mga ginikanan ni Holman wa usay alamag sa nahitabo.

Wa siya maangol sa pagka-igo sa langgam sa iyang nawong apan iyang giangkon nga aduna siyay gamay nga samad.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph