SECTIONS
Superbalita Cebu
Wednesday, September 22, 2021
SUPERBALITA CEBU

Cebu City mohatag na sab og cash incentive sa nurses

ANG Cebu City Government nagplano sa paghatag og tag P10,000 nga incentive matag buwan sulod sa tulo ka buwan ngadto sa 350 ka nursesa sa mga private hospital sa dakbayan sa Sugbo.

Si Konsehal Eduardo Rama, kinsa nakigtabo sa ubang mga konsehal, nagkanayon nga usa mga solusyon mao ang pagbalik sa kanhi incentives nga nadawat sa frontliners sa miaging tuig ug sayo karong tuiga.

Atol sa pagsuwat niining balita, si Rama kinsa maoy moduso sa iyang resolution alang sa pormal nga pag-awhag sa mayor aron madasig ang mga private nurse sa pagserbisyo hilabi na niining kalit nga pagsaka sa Covid-19 cases, wala pa maaprobahi sa Konseho.

Mo-hire usab og 200 ka nurses ang City Hall diin 100 niini motrabaho sa Cebu City Medical Center ug Cebu City Quarantine Center samtang ang laing 100 adto idestino sa private hospitals depende kon asa sila ipahiluna sa Department of Health (DOH).

Si Konsehal Raymond Garcia, chairman sa committee on finance sa Konseho nagkanayon nga nakakita na sila og tinubdan sa kwarta aron maoy kuhaan sa sweldo sa ilang ihatag nga incentives ug sweldo sa bag-ong i-hire.

Anga mga nurse sa private hospital maoy ilang hatagan sanglit gamay kini og sweldo itandi sa mga nurse nga naa nagtrabaho sa gobyerno.

Si Garcia nidugang nga dili magnihit ang nurses sanglit iyang gipadayag nga ang DOH-7 mag-hire og 50 ka nurses para idestino sa private hospitals samtang dunay 600 ang nang-apply.

Gipadayag usab ni acting Mayor Michael Rama nga masweldohan ang nurses ug ubang job order sa CCMC nga wa masweldohi sulod sa upat ka buwan inig maaprobahan na ang P4.5 bilyones nga Supplemental Budget no. 1 nga gituki sa City Council.

Ang CCMC adunay 184 ka nurses, apil na contractual ug job order nga ni-resign gumikan sa pag-abot sa ilang visa gikan sa United States ug United Kingdom samtang ang mga JO nang resign gumikan sa kalangay sa sweldo nga niabot na og upat ka buwan. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph