SUPERBALITA CEBU

Mga pribadong ospital puno; Siyudad mohimo'g lakang

PUNO na ang pribadong mga ospital sa Dakbayan sa Sugbo kon coronavirus disease 2019 (Covid-19) ang hisgutan.

Mao ni ang paghulagway ni Dr. Peter Mancao, deputy task force leader sa Cebu City Covid-19 Vaccine Rollout, sa mga ospital sa Dakbayan sa Sugbo dihang gipangutana kalabot sa tinud-anay nga sitwasyon sa Covid-19 atol sa usa ka press conference sa Hulyo 28, 2021.

“If you go around, at least in three major hospitals, they are all full, the emergency rooms are all full,” matod ni Mancao.

Ang iyang gipasabot mao ang mga katre nga gitagana alang sa mga pasyente sa Covid-19.

Ang data sa Emergency Operations Center (EOC) nagpakita nga sa 15 ka hospitals in Cebu City, ang critical care occupancy rate niabot na sa 57.4 percent sa 925 ka mga katre nga gitagana alang sa Covid-19 patients.

Ang World Health Organization nikonsiderar nga alarming ang critical care occupancy kon mosobra na sa 60 porsyento.

Matod ni Mancao nga ang ambulance providers wa na manawat og mga tawag gawas kon ang pasyente nakapareserba na o dunay waiting number.

Si Mancao niingon nga ang mga tambalanan nibalik sa pagpatuman sa numbering scheme, kun ang mga pasyente hatagan og numero sa di pa sila tagdon sa emergency rooms.

Matod ni Mancao nga sagad sa gipang-admit di grabe og simtomas o kadtong naglisod og ginhawa.

Gitumbok ni Mancao nga ang nakaingon niini mao ang daghang mga hinungdan sama sa kakuwang sa manpower sa mga tambalanan ingon man nagdaghang mga kaso sa Covid-19.

Ang mga opisyal sa Siyudad nag-estabilar og holding areas isip tempotaryong kabutangan niadtong di pa dawaton sa ospital.

Matod ni Mancao nga ang mga opisyal nagtan-aw sa Cebu City Quarantine Center (CCQC) isip holding area.

Si Rama nimando na kang Cebu City Medical Center (CCMC) administrator Yvonne Cania sa pagpalapad sa kapasidad sa CCQC gikan sa 160 ngadto sa 300.

Si Cebu City Councilor Eduardo Rama Jr. gitahasan usab sa pag-andam sa Cebu City Sports Center isip isolation facility, nga magamit dayon kon ang isolation facilities sa siyudad di na makapasud og mga pasyente sa Covid-19.

Gawas sa mga ospital, ang dagkong mga sementeryo sa Dakbayan sa Sugbo hapit na mapuno.

Sa data nga gihatag ni Cebu City Councilor David Tumulak, lima ka mga sementeryo sa siyudad apil na ang Queen City, Barangay Pardo, Calamba, A. Lopez (municipal cemetery) ug A. Lopez (Veterans cemetery) wa nay mabutangan sa Hulyo 26.

Ang sementeryo sa Barangay Carreta naa pay upat ka mga nitso sa Hulyo 26.

Si Cebu City Acting Mayor Michael Rama niingon nga gitakda siyang makigtagbo sa mga tag-iya ug managers sa mga sementeryo ug mortuaries sa di pa motungang gabii sa Hulyo 28.

Matod ni Tumulak kon ang kakuwang sa malubngan sa siyudad tungod ba sa nangamatay sa Covid-19 kay naa man say nangamatay sa mga balay. (JJL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph