Cortes natingala sa MECQ; miapelar sa NIATF

Cortes natingala sa MECQ; miapelar sa NIATF (File photo)
Cortes natingala sa MECQ; miapelar sa NIATF (File photo)

Miapelar ang Dakbayan sa Mandaue sa rekomendasyon sa National Inter-Agency Task Force for the Management of Emerging Infectious Diseases (NIATF-MEID) sa pagpaubos sa siyudad sa modified enhanced community quarantine (MECQ) sugod sa Sabado, Agusto 1 hangtod sa Agusto 15.

Sa iyang suwat nga gipadangat ngadto sa NIATF nga gipetsahan og Hulyo 28, 2021, si Mayor Jonas Cortes nipadayag sa iyang katingala sa rekomendasyon nga unta ang Dakbayan sa Mandaue ubos pa og mga kaso sa coronavirus disease 2019 (Covid-19).

Sa iyang pagsuwat, ang mga kaso sa siyudad naa lang sa 732, wa kaabot gani sa 50 porsyento kon itandi sa gidaghanon sa mga kaso sa Marso ning tuiga, diin naa gihapon ang siyudad ubos sa modified general community quarantine (MGCQ).

“The question now begs why Mandaue City, which currently has 732 active cases, is now being recommended to be promoted to two steps higher of a quarantine level when the current active cases is short of 50% compared to the total daily cases for the month of March 2021, not to mention that the City currently has the lowest number of active cases in the entire Central Visayas, excluding Siquijor,” matod ni Cortes sa iyang suwat.

Gawas pa niini, ang Siyudad nagpatuman na og hugot nga mga lakang aron kapugngan pa ang pagsaka sa inadlaw nga mga kaso, sama sa liquor ban, pagpasayo sa curfew hours ug pag limit sa mga tapok.

“Aside from this, the 3 HUCs (highly urbanized cities) have unified their community responses against the rising cases to help mitigate the spread of the virus in the next three weeks,” pagpasabot sa mayor.

Iya usab nga gitumbok ang kamahinungdanon sa Dakbayan sa Mandaue sa patigayon sa Sugbo kay agianan kini.

“Mandaue lies within the immediate borders of Cebu City and Lapu-Lapu City and the Province of Cebu, it is the heart of Cebu Island where all commerce and workers pass/traverse through,” dugang niya.

Matod sa mayor nga di lang ang Sugbo ang maapektuhan ning ilang bag-ong quarantine classification, ang tibuok rehiyon usab.

Giawhag ni Cortes ang NIATF-MEID sa pagpasabot kon nganong mao kini ang ilang nahukman nga unta, kon basehan ang mga kaso sa Covid-19 sa Siyudad naa man sa “manageable levels and even lower compared to our neighboring LGUs.”

Kon basehan ang nagsakang utilization rate sa Covid beds sa mga tambalanan, di tanang mga pasyente sa duha ka dagkong pribadong mga ospital sa siyudad nagagikan sa Mandaue kay ang uban taga laing mga dapit sama sa Bohol, Negros, Dumaguete ug Leyte.

Ang gigamit nga Covid beds naa usab sa moderate levels, dugang sa mayor. (REV)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph