SECTIONS
Superbalita Davao
Saturday, September 25, 2021
SUPERBALITA DAVAO

Express lane sa bakuna giplano alang mga OFWs

File photo

NAGPLANO nga imuntar ang usa ka express lane sa Covid-19 vaccination alang sa mga overseas Filipino worker (OFW) sa Davao City aron matabangan sila nga makapabakuna.

Kini ang gibutyag ni City Covid-19 Task Force Spokesperson Dr. Michelle Schlosser, diin mahitabo kini sa ikaduha ug sa ikatulong semana sa bulan sa Agusto.

Sumala sa opisyal nga kini ang mamahimong tubag human ang pipila ka mga OFW mireklamo human wala dayon sila nakagawas padung sa laing nasud kay wala pa sila nabakunahan.

Una nang giingon ni Davao City Mayor Sara Duterte nga nakig-alayon sila sa Public Employment Service Office-Davao ug uban pang ahensiya aron mahatagan og prayoridad ang mga OFW, labi na kadtong mga duna nay kontrata sa pagtrabaho sa laing nasud.

Nasayran nga ang express lane eksklusibo alang sa mga Dabawenyo nga OFW ug apil ang mga seafarers.

Maggahin sab og bakuna ang lokal nga kagamhanan kanila depende sa unsa ang gi-require sa ilang mga employers o sa nasud nga ilang adtoan. (Jeepy P. Compio)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph