Klinika gidagsa sa mga pisot

Pinaambit nga hulagway
Pinaambit nga hulagway

WALA nagduha-duha nga miadto sa usa ka clinic sa Calinan, Davao City ang mga pisot aron nga magpatuli human nga nahunong ang pagpanuli sa klinika ni Davao City Councilor Joselle Villafuerte gumikan sa mga nabag-o nga mga quarantine classifications.

Gibutyag ni Villafuerte nga anaa sa napulo sa matag adlaw ang moadto sa klinika aron libreng magpatuli nga nagagikan pa sa layo nga barangay sa Calinan District.

"Gipangitaan namo og paagi kay timing man sab nga naa lang ang mga bata sa balay, walay klase, timing lang pud na matuli sila, so gihimo namo, dunay mga BHW sa barangay nga maglista sa ilang mga pangalan, schedule namo sa matag adlaw, napulo kabuok except on Sundays, para sa schedule nila, moadto lang sila sa clinic," sumala ni Councilor Villafuerte.

Sa nakalabay nga Hulyo 24, 2021, anaa sa walo ka mga batang pisot ang gikan pa sa hilit nga barangay sa Calinan District ang miadto sa klinika ug giubanan sa ilang mga ginikanan.

Dugang ni Villafuerte nga libre sab nga ihatag ang kompletong tambal aron nga seguradong dili maimpeksiyon ug daling maayo.

Giawhag ni Villafuerte ang mga buot magpatuli nga moduol sa ilang barangay health workers aron malista ug mahatagan og schedule.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph