ANAA sa 1,471 ang mga indibidwal nga nabakunahan na sa Covid-19 vaccine nga nagpositibo sa coronavirus disease (Covid-19) sa Cagayan de Oro.
Matud ni city epidemiologist Dr. Joselito Retuya, sa maong 1,471 nga mga vaccinees, 969 niini ang mga nabakunahan na sa Sinovac vaccine, 327 ang nabakunahan sa AstraZeneca, 108 ang nabakunahan sa Pfizer, 63 ang nabakunahan sa Sputnik V, tulo ang nabakunahan sa Sinopharm, ug usa ang nabakunahan sa Janssen.
Sa 969 nga mga Sinovac vaccinees, 727 ang nakasinati og mild nga sintomas, 172 ang mga asymptomatic, 65 ang mga nakasinati og moderate nga sintomas, ug lima ang mga severe nga kaso.
Sa 327 nga mga AstraZeneca vaccinees, 222 ang nakasinati og mild nga sintomas, 77 ang mga asymptomatic, 26 ang mga nakasinati og moderate nga sintomas, ug duha ang mga severe nga kaso.
Sa 108 nga mga Pfizer vaccinees, 81 ang nakasinati of mild nga sintomas, 20 ang mga asymptomatic, ug pito ang mga nakasinati og moderate nga sintomas.
Sa 63 nga Sputnik V vaccinees, 53 ang nakasinati og mild nga sintomas, pito ang mga asymptomatic, ug tulo ang mga nakasinati og moderate nga sintomas.
Sa tulo ka mga Sinopharm vaccinees, duha ka mga indibidwal ang nakasinati og mild nga sintomas ug usa ang asymptomatic.
Ang usa ka nabakunahan sa Janssen nakasinati og mild nga sintomas.
Kasamtangan, sa 1,471 ka mga coronavirus-positive nga mga vaccinees, 705 ka mga indibidwal ang mga fully vaccinated.