Nalzaro: Kawa sa pulitika sa Sugbo 2

Nalzaro: Kawa sa pulitika sa Sugbo 2

APAS sumpay kini sa atong lindog niadtong Martes kabahin sa pagbukal na sa kawa sa pulitika sa Sugbo. Human sa Dakbayan sa Sugbo, ari na usab ta sa mga dakbayan sa Mandaue, Lapu-Lapu ug Talisay. Sa Mandaue, morag wala may mitumaw nga pangalan karon nga makigsakbang kang Mayor Jonas Cortes. Aduna koy gipangutana nga tinubdan kon intrisado pa ba si Luigi Quisumbing modagan sa pagkamayor. Morag dili naman kuno si Quisumbing. Kon mao, walay lig-on nga kontra si Cortes.

LAPU-LAPU

Sa Lapu-Lapu, wala pa usab moitsa sa iyang kawo si Lapu-Lapu Congresswoman Paz Radaza kon iya bang langkaton pagbalik ang City Hall gikan kang Mayor Junard “Ahong” Chan. Matod pa sa mga tigpaniid sa pulitika nga interesado nga mobalik si Maam Paz sa pagkamayor. Iyang anak nga si Aillen maoy mag-kongresista. Kon kini mahitabo, morag panington si Ahong ani. Si Ahong maoy mipilde sa bana ni Paz nga si kanhi mayor Arturo “Boy” Radaza sa 2019 elections. Morag dili gyud buhian sa mga Radaza ang Lapu-Lapu.

Sa pagkakaron, walay laing makabuntog ni Ahong kon dili Radaza ra. Mas dako ang kahigayonan nga ilang mabawi kon si Maam Paz ang modagan pagka-mayor kay ni Boy. Masakiton naman daw si Boy.

TALISAY

Samtang sa Talisay City, matod pa sa akong tinubdan, si Mayor Samsam Gullas mobalik sa Congress sa first district kay moretiro na ang iyang apuhan nga si Eddiegul gumikan sa pangidaron. Unya ang modagan sa pagka-mayor sa Talisay mao ang asawa ni Samsam nga si Rhea. Highly qualified man usab si Rhea. Kay kon lain ang padaganon sa mga Gullas sa first district, modagan man si kanhi Naga Mayor Val Chiong. Apan kon si Samsam, dili modayon si Chiong. Nisaad, matod pa, si Samsam ni Chiong nga iyang buk-on ang first district sa 2025. Diha na modagan si Val Chiong kon mabuak na ang distrito. Qualified na kuno nga buakon ang first district.

Way problema si Samsam sa Talisay City kay wala pa may mitumaw nga ngalan nga moatbang sa iyang asawa. Si kanhi mayor Johnny Delos Reyes maglisud na to og balik. Iyang giusikan ang iyang panahon. (bobbygnalzaro@gmail.com)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph