SI PRESIDENTE Rodrigo Duterte sa Miyerkules sa gabii, Hulyo 28, 2021, nga kadtong di gustong magpabakuna magpabilin lang sa balay.
Kon sila mogawas, si Duterte niingon nga iyang hangyuon ang mga pulis sa pag-escort kanila balik sa ilang balay.
Si Duterte nihulagway sa mga tawo nga way bakuna nga “walking spreader” sa coronavirus disease 2019 (Covid-19).
“Itong mga ayaw magpabakuna, sinasabi ko sa Inyo, huwag kayong lumabas ng bahay,” nagkanayon si Duterte.
Kadtong nabakunahan, mahimong makagawas sa balay.
“Yung mga bakunado, pupuwede kayong mamasyal. ‘Yung mga hindi pa bakunado, tumabi muna kayo at tignan ko kung ano’ng plano ko sa Inyo,” nagkanayon si Duterte.
Siya niingon nga kadtong mga bakuna nga alang sa eligible nga mga lumolupyo apan di magpabakuna ihatag ngadto sa andam magpatusok.
“Yung mga ayaw magpabakuna, e, ‘di ayaw nila. Ibigay na lang natin sa iba para makatulong,” dugang ni Duterte.
Siya niingon nga ang mga barangay kapitan kinahanglan nga molibot ug mopahimangno niadtong wa mabakunahi sa pagpabilin sa balay, di magsuroy suroy.
Siya niingon nga gikinahanglan ang balaud nga magsilot sa mga tawo nga wa magpabakuna nga padayong nagsuroysuroy nga risgo na hinuon makapakatap sa grabe ka mananakod na variants.
“We do not have a law, a punitive action that can be taken against the person who does not have the vaccine and go around, making it dangerous to others to acquire the virus,” nagkanayon si Duterte.
Sa Hulyo 28, 2021, si vaccine czar Secretary Carlito Galvez Jr. niingon nga kapin sa 6.8 million ka mga tawo ang fully vaccinated, human makadawat sa duha ka doses sa duha ka-dose nga bakuna o single-dose Janssen vaccine.
Ang nabakunahan sa first dose nisaylo na sa 11.3 million, nga nidala ngadto sa kinatibuk-ang nabakunahan sa nasod ngadto sa kapin 18.1 million.
Ang target mao ang pagbakuna sa77 million Filipinos, o 70 porsyento sa populasyon sa tapos ning tuiga.
Ang kagamhanan namakuna og priority groups A1 (health workers), A2 (senior citizens), A3 (persons with comorbidities), A4 (mga trabahante nga mogawas sa balay) ug A5 (indigent). (MVI sa SunStar Philippines)