SUPERBALITA CEBU

Westbrook nakuha sa Lakers

Si Russel Westbrook sa Washington Wizards makigduyog na nila ni LeBron James ug Anthony Davis sa Los Angeles Lakers. (AP)

Nahatagan og katumanan ang tinguha sa Los Angeles Lakers nga makahulma og kaugalingong "The Big Three" sa dihang ilang nasignit ang serbisyo ni Russell Westbrook ang superstar sa Washington Wizards.

Isip baylo ni Westbrook, ang Lakers mi-release nila ni Kyle Kuzma, Kentavious Caldwell-Pope, Montrez Harrel ug ang second round picks sa 2024 ug 2028 nga naglakip usab sa ilang No. 22 overall pick.

Sa sayo pa niini, gikataho nga si Westbrook mipadayag nga gusto siyang magpa-trade ug ang Los Angeles maoy iyang prayoridad.

Gikataho nga si Westbrook ubos sa iyang kontrata mokita og $44 million sa sunod season ug gituohan nga mousbaw pa kini sa sunod nga mga katuigan.

Samtang kon hiusahon moabot ngadto sa $36 million ang suweldo nila ni Kuzma, Caldwell-Pope ug Harrell.

Laraw sa Wizards nga ipabilin ang lain nilang star player nga si Bradley Beal, matod pa sa taho. Hinuon si Beal mamahimo nang free agent sa offseason.

Dili man tuod consistent nga three-point shooter si Westbrook nga maoy gikinahanglan unta sa Lakers, apan napanglantawan nga ang iyang presensiya makadugang sa kalig-on sa opensa sa team tungod sa iyang kaagresibo nga mobungkag sa depensa sa kontra.

Makahatag usab kini ug igong abag nila ni LeBron James ug Anthony Davis sa pagpahimutang sa ilang opensa.

Sa uwahing upat ka season, katulo gyud ka tuig nga si Westbrook maoy nag-una sa assists.

Ang gitawag og Mr. Triple Double lumad usab nga taga Los Angeles kinsa nakaduwa sa University of California Los Angeles niadtong panahon sa iyang college days. (JBM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!