SUPERBALITA CEBU

CCPO mamutang og mga checkpoint; tanang sakyanan susihon

CCPO mamutang og mga checkpoint (Gikan sa Cebu City Police Office's Facebook)

Sugod karong alas 10 sa gabii, Hulyo 30, 2021, lapad nga checkpoint ipamutang sa Cebu City Police Office (CCPO) sa kadalanan sa dakbayan sa Sugbo nunot sa pagpatuman sa bag-ong lagda nga giluwatan ni Acting Mayor Michael Rama.

Matod ni Police Colonel Josefino Ligan, hepe sa kapulisan sa dakbayan, nga way pilion sa checkpoint sanglit apil nga susihon ang pribadong mga sakyanan.

Usa-usahon sa pagsusi ang mga sakay kon wala ba magsobra ang mga tawo sa sulod.

Ilang estriktuhon ang pagpatuman sa curfew sa siyudad tungod sa Delta variant nga naa nay natakbuyan dinhi.

Lakip sa ilang hingusgan ang pagsulod sa mga sudlonong bahin sa barangay aron ang mga residente naa na sa ilang panimay inig abot sa alas 10 sa gabii.

Mag butang usab sila'g mga checkpoints sa mga boundary sa mga silingang siyudad ug aron walay maka lingkawas sa checkpoint.

Ang Dakbayan sa Sugbo dunay mga karsada sa kabukiran nga sikbit sa Dakbayan sa Mandaue, Consolacion, Compostela, Balamban ug Toledo City. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!