MIABOT na sa 1,570 ka mga nabakunahan nga mga indibidwal sa Cagayan de Oro ang mipositibo sa coronavirus disease (Covid-19).
Matud ni city epidemiologist Dr. Joselito Retuya, sa maong 1,570 nga mga vaccinees, 1,030 niini ang mga nabakunahan na sa Sinovac vaccine, 342 ang nabakunahan sa AstraZeneca, 114 ang nabakunahan sa Pfizer, 77 ang nabakunahan sa Sputnik V, tulo ang nabakunahan sa Sinopharm, ug upat ang nabakunahan sa Janssen.
Sa 1,030 nga mga Sinovac vaccinees, 772 ang nakasinati og mild nga sintomas, 181 ang mga asymptomatic, 72 ang mga nakasinati og moderate nga sintomas, ug lima ang mga severe nga kaso.
Sa 342 nga mga AstraZeneca vaccinees, 234 ang nakasinati og mild nga sintomas, 79 ang mga asymptomatic, 27 ang mga nakasinati og moderate nga sintomas, ug duha ang mga severe nga kaso.
Sa 114 nga mga Pfizer vaccinees, 82 ang nakasinati of mild nga sintomas, 25 ang mga asymptomatic, ug pito ang mga nakasinati og moderate nga sintomas.
Sa 77 nga Sputnik V vaccinees, 61 ang nakasinati og mild nga sintomas, 10 ang mga asymptomatic, ug unom ang nakasinati og moderate nga sintomas.
Sa tulo ka mga Sinopharm vaccinees, duha ka mga indibidwal ang nakasinati og mild nga sintomas ug usa ang asymptomatic.
Sa upat ka mga Janssen vaccinees, tulo ang mga indibidwal ang nakasinati og mild nga sintomas ug usa ang asymptomatic.
Kasamtangan, sa 1,570 ka mga coronavirus-positive nga mga vaccinees, 769 ka mga indibidwal ang mga fully vaccinated.